ივანე ჯავახიშვილის სახელობის თბილისის სახელმწიფო უნივერსიტეტის ქართულ-ოსურ ურთიერთობათა სამეცნიერო-კვლევითი ცენტრი

ივანე ჯავახიშვილის სახელობის თბილისის სახელმწიფო უნივერსიტეტის ქართულ-ოსურ ურთიერთობათა სამეცნიერო-კვლევითი ცენტრის მიზანია აღადგინოს და უფრო ინტენსიური გახადოს ქართველი, ოსი, აფხაზი, ჩრდილოეთკავკასიელი და უცხოელი მეცნიერების თანამშრომლობა. განამტკიცოს ქართულ-ოსური ენობრივი, ლიტერატურული, კულტუროლოგიური, ისტორიული და სხვა ურთიერთობები, იზრუნოს მის შენარჩუნებასა და გაღრმავებაზე. გარდა კულტურულ-საგანმანათლებლო დანიშნულებისა ცენტრის საქმიანობას დიდი სამშვიდობო დანიშნულება აქვს, იგი თანმიმდევრულად ზრუნავს სასწავლო-საგანმანათლებლო გზით ქართულ-ოსური მშვიდობიანი ურთიერთობების მოწესრიგება-განმტკიცებაზე.

ქართულ-ოსურ ურთიერთობათა სამეცნიერო-კვლევითი ცენტრი დაარსდა 2015 წელს და იმავე წლიდან დაიწყო ყოველწლიური საერთაშორისო სამეცნიერო კონფერენციის, „ქართულ-ოსურ ურთიერთობათა განვითარების პერსპექტივები“, ჩატარება. გამოიცემა კონფერენციის მასალების კრებული.

ქართულ-ოსურ ურთიერთობათა სამეცნიერო-კვლევითი ცენტრი ყოველწლიურად ახორციელებს პროექტებსა და აქტივობებს, რომლებიც დაკავშირებულია ქართულ-ოსური ურთიერთობების შესწავლასთან. მათ შორის, ქართულ-ოსური და ოსურ-ქართული ლექსიკონების გამოცემა, ნართების ეპოსის თარგმნა და გამოცემა, სახელმძღვანელოებისა და დამხმარე სახელმძღვანელოების მომზადება და გამოცემა და სხვა.